Норуоттар икки ардыларынааҕы интеллектуальнай оонньуулар бастакы түһүмэхтэрин түмүгэ таҕыста

Норуоттар икки ардыларынааҕы интеллектуальнай оонньуулар «Окрываем мир” (Аан дойдуну арыйабыт) марафон бастакы түһүмэхтэрин лиидэрдэрэ быһаарылыннылар. Кинилэри чинчийэр бырагырааммаларга кыттарга ыҥырыахтара. Тэрийээччилэр этэллэринэн, бэс ыйын 1 күнүгэр тургутуулар түмүктэрэ тахсыбыт. Ол курдук, лиидэрдэринэн 50 тахса баалы ылбыт эдэр чинчийээччилэр (6-11 кылаастар) уонна 30 баалтан элбэ5и ылбыт (1-5 кылаастар) таҕыстылар.

Бэлиэтээн эттэххэ, интеллектуальнай оонньуулар бастакы түһүмэхтэрин сүрүн идиэйэтэ — ким баҕарар тугу интириэһиргээбитин чинчийиэн сөп диэн соруктаах. Марафон кэмигэр «Живая природа”, “Неживая природа”, “Взаимодействие живой и неживой приоды”, “Человек и общество”, “Методы исследования и развития собственных способностей” тиэмэтигэр уопсайа 2410 дьоҕус чинчийиилэр оҥоһуллубуттар. Чинчийиилэри М.В.Ломоносов аатынан МГУ  уонна НИУ ВШЭ  көҥүл 89 экспиэрдэ сыаналаабыт.  Марафон лидердэринэн Москва, Дьокуускай, Горнай Бэрдьигэстээ5э, Липецкэй, Екатеринбург, Волгоград, Калуга о.д.а куораттартан уопсайа 1942  сайаапка киирбититтэн 324 киһи тахсыбыт.

Тэрээһини тэрийээччилэринэн СӨ Бырабыыталыстыбата, СӨ Үөрэҕин уонна наукатын министиэристибэтэ, СӨ үүнэр көлүөнэ тус сыаллаах пуондата уонна Хотугулуу-Илиҥҥи Федеральнай университет буолаллар.