Саха сирин талааннаах оҕолоругар граннары туттардылар

Үөрүүлээх быһыыга-майгыга талааннаах оҕолору таһаарар уонна өйүүр Региональнай киин бастыҥтан бастыҥнары чиэстээтэ. Ол курдук араас Арассыыйа таһымнаах пуорумнарга, научнай олимпиадаларга бу сылга өрөспүүбүлүкэ чиэһин көмүскээбит бастыҥ оҕолору эҕэрдэлээн СӨ үүнэр көлүөнэтин тус сыаллаах пуондата «Во имя будущего” диэн 2021-2023 cc бырагыраамма чэрчитинэн “Наука” хайысхатынан граннары туттарда. Ол курдук куонкурус хамыыһыйатын быһаарыытынан Грант кыайыылаахтарынан
Сергучева Күннэй — өрөспүүбүлүкэтээҕи лиссиэй 10-c кылааһын үөрэнээччитэ,
Охлопков Эрнест — Өктөмнөөҕү научнай-үөрэтэр киин 10-c кылааһын үөрэнээччитэ,
Белоусов Иван – Дьокуускай куорат физико-теническэй лиссиэй 10-c кылааһын үөрэнээччитэ,
Николаев Давид – өрөспүүбүлүкэтээҕи лиссиэй-интэринээт 9-c кылааһын үөрэнээччитэ,
Требина Елена – ХИФУ лиссиэйин 10-c кылааһын үөрэнээччитэ, Бахмач Виктория – Дьокуускайдааҕы лиссий 10-c кылааһын үөрэнээччитэ,
Другин Вольдемар – Норуоттар икки ардыларынааҕы Арктическай оскуола 9-c кылааһын үөрэнээччитэ,
Павлова Аина, өрөспүүбүлүкэтээҕи лиссиэй-интэринээт 8 кылаас үөрэнээччитэ,
Рыжиков Даниил Норуоттар икки ардыларынааҕы Арктическай оскуола 8-c кылааһын үөрэнээччитэ тигистилэр.