Оҕо көмүскэлин күнүгэр анаммыт саахымат турнирын кыайыылаахтара билиннилэр.

СӨ үүнэр көлүөнэ тус сыаллаах пуондата уонна АЛРОСА  АК тэрийбит оҕолорго аналлаах саахымат турнира улахан интэриэһи тарта. Ол курдук оҕо көмүскэлин күнүгэр анаммыт турнирга быйыл 144  о5о кытынна. 2019 сыллааҕы турнирга тэҥнээтэххэ, быйылгы турнирга кыттыбыт оҕо ахсаана икки төгүл элбэх. Оскуола саастаах оҕолорго саахыматы сайыннарыы, тарҕатыы СӨ Саахыматын Федерациятын уонна АЛРОСА АК , ону сэргэ судьуйалар, тириэнньэрдэр көхтөөхтүк араас босуобуйалары, кинигэлэри уонна күрэхтэһиилэри тэрийэн  араас Арассыыйа таһымнаах күрэхтэһиигэ тиийэ оҕолору кытыннараллар.

Турнирга оҕолору саастарынан үс бөлөххө арааран кытыннардылар. Кыайыылаахтарга сертификаттар уонна бочуотунай грамоталар туттарылыннылар.