Версия для слабовидящих
Бэс ыйын 1 күнэ — оҕо көмүскэлин күнэ. Бу күн СӨ үүнэр көлүөнэтин тус сыаллаах пуондатын көҕүлээһининэн, оҕолорго үөрүүлээх быһыыга-майгыга «GOODFEST»
бэстибээл ыытылынна. Ол курдук бэстибээл чэрчитинэн оҕолорго саахымат турнира, IT-куб диэн цифровой үөрэх киинин кытта холбуу КВЕСТ-оонньуу ыытылынна. Квест-оонньууга оҕолор Гарри Поттер айымньы матыыбынан трансфигурациялары аастылар. Ону таһынан кылаат көрдөөн, араас сорудахтары толордулар. Тэрээһин бүтүүтэ бары кыттааччыларга минньигэс бэлэхтэри туттардылар. Бу күн биир улахан үөрүүлээх тэрээһининэн талааннаах оҕолорго грант туттарыыта буолла.
— Куонкурус оҕолору науканы чинчийэргэ, араас олимпиадаларга кыттарга көҕүлүүрүттэн үөрэбит, — диэн Тус сыаллаах бырагырааммалар Управлениеларын салайааччы Сардаана Попова санаатын үллэһиннэ.